خوشحال خان خٹک بابا کا مختلف پشتون قبائل کی خواتین کے خصائص پر منظوم کلام..
اس منظوم کلام کا سب سے پہلے اردو ترجمہ جناب محترم عطاء اللہ خان نیازی سلطان خیل (سلطان خیل نیازی پشتون) نے کیا. چونکہ شاعری کو نثر میں تبدیل کرنا انتہائی کٹھن کام ہے اور جب زبان صدیوں پرانی ہو تو یہ کام اور بھی مشکل ہو جاتا ہے. کیونکہ زبان میں زمانے کے ساتھ ساتھ تغیر آتا رہتا ہے. کئی پرانے الفاظ و اصطلاحات متروک ہوجاتی ہیں تو کئی نئی نئے الفاظ و اصطلاحات شامل ہوتی رہتی ہیں… پس اسی سبب جب وہ اردو ترجمہ پشتو زبان کے لکھاریوں جناب سیف اللہ ایسپزیی اور فیصل فاران صاحب کی نظر سے گزرا تو انھوں نے اس ترجمہ کو مزید بہتر بنایا جو کہ ذیل میں پیش خدمت ہے..
یہ منظوم کلام نیازیوں کیلئے اس لئے اہمیت رکھتا ہے کہ اس میں تین نیازی پشتون قبائل سنبل، سارنگ (سرہنگ) اور عیسٰی خیل کا ذکر ملتا ہے…
یہ کلام ہمیں سترھویں صدی میں نیازیوں کے ان تین قبائل کے مقام و محل وقوع کی معلومات بھی دیتا ہے..
اس منظوم کلام میں درج سارنگ، عیسٰی خیل اور سنبل تین نیازی پشتونوں کی شاخوں کا بیان ہے. جو خوشحال بابا کے زمانے میں بلترتیب موجود لکی مروت، عیسٰی خیل اور دھنکوٹ(کالاباغ) آباد تھے.. سارنگ (سرھنگ) چونکہ اُس زمانے میں وزیروں کے قریب آباد تھے لیکن بعد کے زمانے میں مروتوں کے ساتھ تنازعات کے سبب موجودہ میانوالی تحصيل میں قابض ہوئے. جبکہ عیسٰی خیل بہلول لودھی کے زمانے سے چونکہ آباد تھے انکے رسم و رواج رفتہ رفتہ ہندکیوں جیسے ہونا شروع ہوچکے تھے. جبکہ سنبل جو اُس زمانے میں خوشحال خان خټک کے حلیف تھے جنوب میں جب خوشحال خان بابا دریا خان آفریدی اور ایمل خان مومند کے ساتھ ملکر مغل ریاست کے خلاف باغی تھے. تبھی اس زمانے میں سنبل نیازیوں نے مغل کمانڈر کو قتل کردیا اور قلعہ لوٹ لیا تھے جس پر اورنگزیب عالمگیر جو حسن ابدال میں موجود تھا غضبناک ہوکر ٹوٹ پڑا اور بنفس نفیس سنبل نیازیوں کو تباہ برباد کردیا. جس کے بعد سنبل نیازی تتربتر ہوکر بکھر گئے… اور انکی جگہ دھنکوٹ پر اعوان قابض ہوگئے جبکہ نچلے علاقے سارنگ نیازیوں نے جو نئے آباد کار تھے سنبھال لیے جبکہ سنبل نیازی سارنگ نیازیوں سے مزید جنوب میں تحصیل پیپلاں میں آباد ہوئیے.
1۔ یو بیان به درته وایم که یې اورې
زما دا خبرې نه دي دروغجنې
(عرض ہے ایک بیان اگر سنو
میری یہ باتیں جھوٹی نہیں ہیں )
2۔ د غلجیو جونه سپيو سره یو ځای خوري
همګي واړه بد پوښې دي سپږنې
( غلجی لڑکیاں کتوں کے ساتھ کھاتی ہیں
اور سب میلے کچیلے لباس میں ملبوس اور جوؤں بھری ہیں )
(کیونکہ خانه بدوش هيں اور ریوڑ میں کتے ساتھ لازمی ہوتے ہیں)
3۔ د شېرزادو جونه بازې د سپین غره دي
په شینوارو کې هم شته پکې پښنې
(شیرزاد دوشیزائیں کوہ سفید کی شاہینیں ہیں یعنی سخت پہاڑوں میں باز کی طرح گھومتی پھرتی ہیں
شینواریوں میں بھی ایسی مظبوط پیروں والی سخت محکم دوشیزائیں ہیں)
4۔ فېروز خېلې اکاخېلې د صفت دي
نورې زېږې خربیشې دي چینجنې
(فیروز خیل اور اکاخیل دوشیزائیں صورت سے تو قابل صفت ہیں
ليکن ناتراشیدہ اکھڑ مزاج اور ہر کام میں کیڑے نکالنے والی ہیں۔)
5۔ د مغل د پښتانه دمه پرې کېږي
د کوهاټ بنګښې مه شه سترګبښنې
(کوہاٹ میں مغل اور پٹھان سپاہی دمہ گیر ہوتے ہیں
کوہاٹ کی بنگش دوشیزاؤں کو اللہ نظر بد سے بچائے)
(کوہاٹ میں مغل چھاؤنی تھی)
6۔ په بنګښ کې بډه خېلې بدې نه دي
نورې واړه خود نمایه دي نیازبنې
(بنگشو میں بڈا خیل دوشیزائیں بری نہیں ہیں
باقی تمام خود نمائی اور نخرے کرنے والی ہیں )
7۔ د توریو د ځاځیو نجونه ښې دي
بلا دا چې دي له څېرمې لوړزنې
(توری اور زازی دوشیزائیں اچھی ہیں
مګر سب ہی ڈنڈے برسانے/چلانے میں ماہر ہیں ہعنی یہ کہ بہت لڑاکا ہیں)
8۔ که ځدراڼې که وزیرې که سارنګې
دا خو واړه نه سړیې دي نه جنې
(زدرانی ہوں ، وزیری ہوں یا #سارنگ_نیازی (سرہنگ) کی دوشیزائیں
یہ نہ تو انسانا نوں سے ہیں نہ جنات میں)
9۔ د هندکیو په حساب دي عیساخېلې
د سنبلو نجونه څه خو سرپېزنې
(#عیسٰی_خیل_نیازی دوشیزائیں ہندکی عورتوں کی طرح ہیں جبکہ #سنبل_نیازی دوشیزائیں پھر بھی کچھ اپنا اصل یعنی پختونولی جانتی ہیں )
10۔ دولت خېلې لواڼۍ دي لویې چارې
نورې واړه پونده دي غوشینې
( لوہانیوں میں صرف دولت خیلوں کی دوشیزائیں بڑے ارادوں/ بڑے جگر والیاں ہیں
جبکہ باقی پاوندوں کیطرح گوبر میں لتھڑی)
11۔ د شیتکو نجونه سیالې پښتنې دي
خو په ژبه په پوشاک دي برسېرنې
(شیتک( بنوچی) دوشیزائیں عام سی پشتون لڑکیاں ہیں
مگر زبان اور لباس میں سب سے نمایاں ہیں )
12۔ د ابدالو نجونه واړه ګډبنې دي
که ترینې دي د پښین دي د ستاینې
(ابدالیوں کی دوشیزائیں بھیڑیں چرانے والی ہیں
اگرچہ پشین کی ترین دوشیزائیں قابل ستائش ہیں )
13۔ د دوړو نجونه واړه لکه باغ دي
کشیده پکې ملیې دي د ستنې
(دوڑو کی تمام دوشیزائیں گلشن کی طرح ہیں
پھر انمیں ملیئ (داوڑ کی ذیلی تقسیم) ایسی ہیں جیسے کسی نے سوئی سے کشیدہ کاری کی ہو)
14۔ د خټکو نجونه واړه غوبنې دي
خو یوازې اکوړخېلې دي مېرمنې
(خٹک دوشیزائیں ساری گائے بان ہیں
مگر ان میں اکوڑ خیل دوشیزائیں مالکنوں کیطرح ہیں یعنی سلیقہ مند اور ہوشیار )
خوشحال بابا کا تعلق خٹک کے اکوڑ خیل شاخ سے ہے )
15۔ د مومندو نجونه سرې لکه ایماغ دي
کټه سرې وړې سترګې پوزې پلنې
(مہمند دوشیزائیں ایماق قبیلے کی طرح سرخ ہیں۔
بڑے سر/ چوړی پيشانی، چھوٹی آنکھیں اور چوڑی ناک والیاں
(ایماغ یعنی ایماق افغا نستان میں ہزارہ سنی قبیلہ )
16۔ په خلیلو کې سکڼې پیدا کېږي
هغه هم بدې بخیلې سر کودنې
(خلیلو میں سانولیاں ہیدا ہوتی ہیں
وہ بھی بری طرح بخیل اور سردرد والی)
17۔ داودزیو نجونه چینګې خولې حیرانه
د واده په ورځ ودېږي سر خېرنې
(داؤد زئیوں کی دوشیزائیں احمقوں کیطرح بانچھیں پھاڑے تکتی ہیں یعنی بھولی بھالی ہیں
انکے سر شادی والے دن بھی میلے ہی رہتے ہیں)
18۔ څو صفت د ګګیا ڼیونجونو زه کړم
واه واه واه دا ګګیاڼۍ په یار مینې
(میں گگیانی دوشیزاؤں کی تعریف کيا کروں
واہ واہ وہ بہت پیار کرنے والی ہیں )
19۔ مهنزیو نجونه واړه لکه خرې دي
د سړیو په شان روغې ځنې ځنې
(مہن زئیوں کی لڑکیاں ساری کھوتیاں کیطرح ہیں یعنی کم عقل ہیں
ان میں البتہ بعض مردوں کیطرح قابل ستائش ہیں)
20۔ چې په خوېشکو روهاڼیو باندې راشې
دا خو واړه د بغرۍ دي د میچنې
(خویشگی اور روغانیوں کی بات کی جائے تو
یہ سب اوکھلی چلانے چکی پیسنے کے لئے مناسب ہیں یعنی بہت سخت جان اور محنت کش ہیں)
21۔ ماندوریې پر ملیې بېچاره دي
نه د خواښې د ځواب دي نه د بنې
(مندوری اور پورملئ دوشیزائیں بیچاری ہیں
جو نہ ساس کو جواب دینے کی ہیں نہ سوکن کو )
22۔ د لازاکو نجونه پټ سپاهیان پرېباسي
چې په قهر غوسه راشي قهرجنې
(دلازاکو کی دوشیزائیں بہت غصہ ور ہیں اور جب قہر پر آتی ہیں تو لشکر کو بھی سنبھلنے کا موقع دئے بغیر گرادیتی ہیں)
23۔ چې په ملک د هزاره ترین مرین دي
د سنکړې نجونه داغ کېږدي په ینې
علاقہ ہزارہ میں جو ترین مرین ہیں
یہ سانولی دوشیزائیں ایسی حسین ہیں کہ جگر پر داغ دیتی ہیں)
24۔ په مندڼو کې خال خال چېرته پیدا شي
نورې واړه ګېډه ورې دي پړس بنې
(مندنڑ میں اکا ادکا خوبصورت دوشیزائیں ملتی ہیں
باقی توند والی فربہ اندام ہیں )
25۔ د بونېر د نجونو نوم په خوله وامخله
د ودې لودې غوړیالیې زېړ بخنې
(بونیر کی دوشیزاؤں کا نام زبان پر نہ لائیں۔
لکڑیوں کے کثیف دھویں میں لتھڑیں اور پیلی رنگت والی ہیں )
26۔ اکوزیې نجونه واړه لکه باغ دي
ملیزۍ پکې شته د چندڼ ونې
اکوزئیوں کی تمام دوشیزائیں باغ کی مانند ہیں
مليزئی تو گویا چندن (صندل) کے درخت ہیں
27۔ په ارهنګ برهنګ کې هم شته اتمانخېلې
د سړیو په جامې جامې رېمنې
(علاقہ اڑنگ بڑنگ کی اتمان خیل دوشیزائیں
مردوں جیسے اور ہلکے کپڑے پہنتی ہیں (باقی پشتون عورتیں بھاری بھرکم لباس زیب تن کرتیں))
28۔ د صافیو نجونه صافې په صورت دي
ولې ډېرې په روزګار کې دي خیچنې
(صافیوں کی دوشیزائیں صاف چہروں والی ہیں ۔
لیکن کام کاج میں انتہائی پوہڑ ہیں )
29۔ خوګیاڼیې واړه خوګې د صحرا دي
په نغري ناستې ډوډیې وهي پلنې
(خوگیانیوں کی لڑکیاں صحرائ خنزير کی طرح ہیں یعنی بلکل بھی صفائی پسند نہیں
انگیٹھی پر بیٹھی موٹی روٹیاں لگاتی ہیں یعنی روٹی پکانے میں اناڑی ہیں)
30۔ په جهان تر لغمانیو نورې نشته
ګنده بوی ګنده بغلې مچ بېزنې
(لغمانی لڑکیوں جیسی دنیا بھر میں کوئ بدبودار گندی نہیں، گندی بغلیں، اور مکھیوں ان پر بھنبھناتی رہتی ہیں)..
نوٹ؛ ہم جناب عطاء اللہ خان نیازی، بردار سیف اللہ ایسپزیی اور فیصل فاران صاحب کے ممنون ہیں کہ انھوں نے اس منظوم کلام کا ترجمہ کیا..
